Агууехэ Илалтын - 80 жэлэй ойдо.
(Буряад хэлэеэ һэргээн хүгжөөе!).
Мүнөө үеын «Сэрэгэй тусхай үйлэдэлгэ» мүн Агууехэ Эсэгэ ороноо хамгаалгын дайн хоёрые жэшээлэн адли болгодог уладууд үсөөн бэшэ бии байна. Илангаяа засаг баряашадай дундаһаа. Гүрэн түрын хэблэлэй хуудаһанууд болон сэнхир экранууд дээрэ иимэ хөөрэлдөөнууд баһал олон удаа боложол байдаг.
Мэдээжэ юм ааб даа, манай арми, сэрэгшэд һүүлэй сагта Эхэ оронойнгоо аюулгүй байдал, ерээдүйе хамгаална гэхэнь хэсүү байна.
Мүнөөдэрэй болон 80-аад жэлэй саана болоһон хоёр иимэ үйлэ ябадалнуудые яажашье һаань жэшээлмээр бэшэ байна. Үгыл бэд даа. Хоёр томо илгаанууд. Тэрэ үедэ хүнүүд Эcэгэ ороноо түлөө тэмсээ, мүнөө - хэнэй түлөөб? Мүнөөнэй засаг Эхэ орондоо дуратай байлгын һүүлшын үлэгдэлнүүдые усадхаа гэхэдэ алдуу болохогүй.
Хайран хүбүүднай алуулжа байна даа. Нулимса дуhaaхаар лэ: бэшэ ошоһон хүбүүдэй хэнынь амиды бусаха юм, гансал бурханай мэдэлдэ...
Һүүлэй үдэрнүүдтэ «ниигэмэй сүлжээндэ» хүдөөгэймнай залуу хүбүүдэй гэрэл-зурагууд «уйдхартай мэдээсэлтэй» хамта гаражал байдаг бшуу.
Ямар гашуудалтай, найдабаригүй юм гээшэб! Юунэй түлөө хүбүүд унаха болоо юм?
Агууехэ Эсэгэ ороноо хамгаалгын дайнай үедэ иимэ «олониитын» субаг үгы байгаа ха юм даа, аймшагтай иимэрхүү мэдээсэлнүүд юрын лэ почтоор ерэдэг һэн. Энээн тухай нютаг нугаймнай нэгэ наһатай хүн намда гар утаһаар хөөрөө. 14 настай байхадаа дайнай үедэ тэрэ тосхон соогоо почта тараадаг байгаа.
... Нютаг голоймнай залуу хүбүүд армида үлэхэдээ, дайн сэрэгтэ маанадые абаашахань гэжэ мэдэнгүй байгаа. Хүдөө һууринда мүнөө сагта ажал хүдмэри гэжэ байхагүй, тиихэлээрээ, тэдэнэр сэрэгэйнгээ алба дүүргээд, армида үлэдэг болоо. Юундэб гэхэдэ, эндэ наада захаарнь тогтоборитой һара бүриин мүнгэн, эдеэ хоол, хубсаһан гэхэ мэтэ байна ха юм.
Манай заахан һууринһаа олонхон залуу хүбүүд «баруушаа» абаадуулагдаа, 28 модоной зайда оршодог хүршэ тосхонһоо - баһал бии.
Буряад Уласһаа, бэшэ регионуудта ороходоо, хамагһаа олон хүбүүд татуулһан байна...
*****
«Дайн хэрэггүй».
«Хүн түрэлтэн, шагнагты,
Хүрьһэтэ дэлхэйн хамаг зон:
Дэлхэйе амаруулая,
Үхибүүдые үншэрүүлдэг,
Эхэнүүдые гансаардуулдаг,
Инагуудые хахасуулдаг,
Уйдхар гашуудалые тараадаг
Дайн хэрэггүй!».
Cургуульда хамта һураһан нүхэрэймни хани ганса Минжама Мункуевна Жамсарановагай бэшэһэн шүлэгэй мүрнүүд намайе ехэтэ гайхуулаа. Агын тойрогой Хара-Шибирь тосхоной манай үетэн 3,5 жэлэй тэндэ наһан болоһон.
«Бухенвальдский набат» гэһэн мэдээжэ дуунай пафос һануулна. Мүнөөдэр энэ тахин шүтэдэг дуу һанажа, мүн гайхамшагта мүрнүүдынь уншабал зүйтэй ха даа. Бодото дээрээ холбоотой мүнөөдэрэй манай байдалтай!
...Айжа hанаа бодолоо сэхынь хэлэжэ шадахаа болижо байна гүбди даа? Бурайдаараа бэшэхэ болобоб. Ямар сагта ажаһуунабди даа?
Цыренжаб Чойропов.
(Буряад хэлэеэ һэргээн хүгжөөе!).
Мүнөө үеын «Сэрэгэй тусхай үйлэдэлгэ» мүн Агууехэ Эсэгэ ороноо хамгаалгын дайн хоёрые жэшээлэн адли болгодог уладууд үсөөн бэшэ бии байна. Илангаяа засаг баряашадай дундаһаа. Гүрэн түрын хэблэлэй хуудаһанууд болон сэнхир экранууд дээрэ иимэ хөөрэлдөөнууд баһал олон удаа боложол байдаг.
Мэдээжэ юм ааб даа, манай арми, сэрэгшэд һүүлэй сагта Эхэ оронойнгоо аюулгүй байдал, ерээдүйе хамгаална гэхэнь хэсүү байна.
Мүнөөдэрэй болон 80-аад жэлэй саана болоһон хоёр иимэ үйлэ ябадалнуудые яажашье һаань жэшээлмээр бэшэ байна. Үгыл бэд даа. Хоёр томо илгаанууд. Тэрэ үедэ хүнүүд Эcэгэ ороноо түлөө тэмсээ, мүнөө - хэнэй түлөөб? Мүнөөнэй засаг Эхэ орондоо дуратай байлгын һүүлшын үлэгдэлнүүдые усадхаа гэхэдэ алдуу болохогүй.
Хайран хүбүүднай алуулжа байна даа. Нулимса дуhaaхаар лэ: бэшэ ошоһон хүбүүдэй хэнынь амиды бусаха юм, гансал бурханай мэдэлдэ...
Һүүлэй үдэрнүүдтэ «ниигэмэй сүлжээндэ» хүдөөгэймнай залуу хүбүүдэй гэрэл-зурагууд «уйдхартай мэдээсэлтэй» хамта гаражал байдаг бшуу.
Ямар гашуудалтай, найдабаригүй юм гээшэб! Юунэй түлөө хүбүүд унаха болоо юм?
Агууехэ Эсэгэ ороноо хамгаалгын дайнай үедэ иимэ «олониитын» субаг үгы байгаа ха юм даа, аймшагтай иимэрхүү мэдээсэлнүүд юрын лэ почтоор ерэдэг һэн. Энээн тухай нютаг нугаймнай нэгэ наһатай хүн намда гар утаһаар хөөрөө. 14 настай байхадаа дайнай үедэ тэрэ тосхон соогоо почта тараадаг байгаа.
... Нютаг голоймнай залуу хүбүүд армида үлэхэдээ, дайн сэрэгтэ маанадые абаашахань гэжэ мэдэнгүй байгаа. Хүдөө һууринда мүнөө сагта ажал хүдмэри гэжэ байхагүй, тиихэлээрээ, тэдэнэр сэрэгэйнгээ алба дүүргээд, армида үлэдэг болоо. Юундэб гэхэдэ, эндэ наада захаарнь тогтоборитой һара бүриин мүнгэн, эдеэ хоол, хубсаһан гэхэ мэтэ байна ха юм.
Манай заахан һууринһаа олонхон залуу хүбүүд «баруушаа» абаадуулагдаа, 28 модоной зайда оршодог хүршэ тосхонһоо - баһал бии.
Буряад Уласһаа, бэшэ регионуудта ороходоо, хамагһаа олон хүбүүд татуулһан байна...
*****
«Дайн хэрэггүй».
«Хүн түрэлтэн, шагнагты,
Хүрьһэтэ дэлхэйн хамаг зон:
Дэлхэйе амаруулая,
Үхибүүдые үншэрүүлдэг,
Эхэнүүдые гансаардуулдаг,
Инагуудые хахасуулдаг,
Уйдхар гашуудалые тараадаг
Дайн хэрэггүй!».
Cургуульда хамта һураһан нүхэрэймни хани ганса Минжама Мункуевна Жамсарановагай бэшэһэн шүлэгэй мүрнүүд намайе ехэтэ гайхуулаа. Агын тойрогой Хара-Шибирь тосхоной манай үетэн 3,5 жэлэй тэндэ наһан болоһон.
«Бухенвальдский набат» гэһэн мэдээжэ дуунай пафос һануулна. Мүнөөдэр энэ тахин шүтэдэг дуу һанажа, мүн гайхамшагта мүрнүүдынь уншабал зүйтэй ха даа. Бодото дээрээ холбоотой мүнөөдэрэй манай байдалтай!
...Айжа hанаа бодолоо сэхынь хэлэжэ шадахаа болижо байна гүбди даа? Бурайдаараа бэшэхэ болобоб. Ямар сагта ажаһуунабди даа?
Цыренжаб Чойропов.
1111