Агууехэ Эсэгэ Ороноо хамгаалгын дайнай дүүрэһээр 80 жэлэй ойдо.
(«Буряад хэлэеэ һэргээн хүгжөөе!» - рубрика).
«Удаан хүлеэгдэhэн бэшэгынь уйдхартай мэдээсэл асараа hэн.
Эхэ ороноо хамгаалжа хүбүүнтнай «алагдаба», - гэhэн байгаа hэн.
Үдэр бүри дурдуулhан эмгэн буурал эхын эгээл аха хүбүүн hэн.
Хайрата эжын хасар дээгүүр хүндэ нёлбоhод мухарижа,
Уруугаа хараад хүдэлэнгүй, удаан шэмээгүй һуугаа һэн...».
Элитэ Буряад уран зохёолшо Чимит Цыдендамбаевай бэшэһэн энэ гайхамшагта шүлэгэй мүрнүүд минии зүрхэндэ дахин мүнөөдэр хүрэбэ даа.
Юуб гэхэдэ, үглөөнэй радио дуулгаа: «Буряад Уласта Агууехэ Илалтын 80 жэлэй ойдо зорюулагдаһан дайн тухай шүлэг эрхимээр уншагша тодоруулагдаа. Уран уншалгын урилдаанда илагшаар Ахын аймагай багша түрүүлэн гараа». Багшын нэрэ обог шагнажа үрдеэгүйб. Юундэб даа, «Буряад радио» ямаршьеб зугаануудай хойно хабаадагшын нэрэ обог дахин дурдадаггүй, хожомдожо ерэһэн хүн юу ойлгохоб даа? Харамтай!
Конкурсда илагша эхэнэр багша Чимит Цыдендамбаевай «Геройн эхэ» гэжэ шүлэг уярмаар мэнэ һаяхана уншаба гээшэ.
Би энэ шүлэг анхан үшөө һургуулида орожо байхадаа мэдэдэг һэм. 1960-аад жэлэй дунда багаар Дэрээнэй дунда һургуулиин болон Алла нютагай (Хурамхаанай аймаг) клубай тайзан дээрэһээ зэргэмэл классай басаган Рабжинова Люба () энэ шүлэг баһал гоёор уншагша һэн. Зал соо һууһан зарим хүгшөөдэйнүүдэй нюдэнүүдһээ нулимсанууд гарагша бэлэй...
Мүн һаяхана 93 наһа хүрэжэ ябаһан Буряадай мэдээжэ шатаршан Цырма Ринчиновна Ачитуева эдэ мүрнүүдые «Буряад ТВ»-дэ сээжээр сэдьхэл дайрамаар уншаа (шүлэг нилээд ута текст дээрэ бэшэгдэһэн). Хурамхаанай аймагай Тазы нютаг тоонтотой багшын ажалай ветеран, "дайнай үхибүүдэй" нэгэн, үшөө үни удаан жэлнүүд соо шатар наадажа ябаг лэ!
Цыренжаб Чойропов.
(«Буряад хэлэеэ һэргээн хүгжөөе!» - рубрика).
«Удаан хүлеэгдэhэн бэшэгынь уйдхартай мэдээсэл асараа hэн.
Эхэ ороноо хамгаалжа хүбүүнтнай «алагдаба», - гэhэн байгаа hэн.
Үдэр бүри дурдуулhан эмгэн буурал эхын эгээл аха хүбүүн hэн.
Хайрата эжын хасар дээгүүр хүндэ нёлбоhод мухарижа,
Уруугаа хараад хүдэлэнгүй, удаан шэмээгүй һуугаа һэн...».
Элитэ Буряад уран зохёолшо Чимит Цыдендамбаевай бэшэһэн энэ гайхамшагта шүлэгэй мүрнүүд минии зүрхэндэ дахин мүнөөдэр хүрэбэ даа.
Юуб гэхэдэ, үглөөнэй радио дуулгаа: «Буряад Уласта Агууехэ Илалтын 80 жэлэй ойдо зорюулагдаһан дайн тухай шүлэг эрхимээр уншагша тодоруулагдаа. Уран уншалгын урилдаанда илагшаар Ахын аймагай багша түрүүлэн гараа». Багшын нэрэ обог шагнажа үрдеэгүйб. Юундэб даа, «Буряад радио» ямаршьеб зугаануудай хойно хабаадагшын нэрэ обог дахин дурдадаггүй, хожомдожо ерэһэн хүн юу ойлгохоб даа? Харамтай!
Конкурсда илагша эхэнэр багша Чимит Цыдендамбаевай «Геройн эхэ» гэжэ шүлэг уярмаар мэнэ һаяхана уншаба гээшэ.
Би энэ шүлэг анхан үшөө һургуулида орожо байхадаа мэдэдэг һэм. 1960-аад жэлэй дунда багаар Дэрээнэй дунда һургуулиин болон Алла нютагай (Хурамхаанай аймаг) клубай тайзан дээрэһээ зэргэмэл классай басаган Рабжинова Люба () энэ шүлэг баһал гоёор уншагша һэн. Зал соо һууһан зарим хүгшөөдэйнүүдэй нюдэнүүдһээ нулимсанууд гарагша бэлэй...
Мүн һаяхана 93 наһа хүрэжэ ябаһан Буряадай мэдээжэ шатаршан Цырма Ринчиновна Ачитуева эдэ мүрнүүдые «Буряад ТВ»-дэ сээжээр сэдьхэл дайрамаар уншаа (шүлэг нилээд ута текст дээрэ бэшэгдэһэн). Хурамхаанай аймагай Тазы нютаг тоонтотой багшын ажалай ветеран, "дайнай үхибүүдэй" нэгэн, үшөө үни удаан жэлнүүд соо шатар наадажа ябаг лэ!
Цыренжаб Чойропов.
623